Saturday, October 31, 2015

තවත් තොරතුරු විචාර හා විශේෂාංග ඇතුලත් බ්ලොග් පිටුවක් " නෙතින් දුටු ලොව "

තැපෑලයි මමයි

 
ලංකාවේ තැපැල් සේවය හා මා අතර ඇත්තේ එක්තරා විදියක ජන්මාන්තර වෛරයක් බව මට දැන් දැන් තේරෙන්නට පටන් ගෙන තියෙන්නේ. ලියුම් මාමා ගැන අමිහිරි අත්දැකීම් මගේ පාසල් ජිවිතේ 6 වසර දක්වා දිගු අතීතයක් තියෙනවා. දකුණු පළාතේ ඉපදුනු මම ශිෂ්‍යත්වෙන් පාස් වෙලා කොළඹ ඉස්කෝල දෙක තුනකට ඉල්ලුම් කරලා ගෙදරට වෙලා හිටිය ජොලියේ. අපේ ඉස්කෝලේ 5 වසරෙන් ඉවරයි. ඉතින් 6 වසරට යන්න වෙන ඉස්කෝලයක් ඕන. හොද ලකුණු තිබුන නිසා බය නැතිව හිටියට ජනවාරි මාසෙත් ගෙවිල ගියා. ම්හ් මුකුත් නෑ ලියුමක් වත්. දැන් පෙබරවාරි මාසෙත් ගෙවිල යන නිසා මගේ වයසේ උන් දැන් මාස දෙකක් 6 වසරේ ඉගෙන ගත්ත නිසා අන්තිමේ අම්මල තාත්තල එකතු වෙලා ලග තිබුන ඉස්කෝලෙකට ඔන්න බාර දුන්න. මෙන්න මාර්තු මාසේ පලවෙනි සතියේ එනවා ලියුමක්... ඔබ කොළඹ මේ විද්‍යාලයට තෝරාගෙන තියෙනවාය පෙබරවාරි මස 28 පෙර ඇවිත් ඇතුලත් වන්නය කියල. ලියුම එවල තියෙන්නේ පෙබරවාරි මාසේ මුල. ලියාපදිංචි තැපැල් ලියුමක්. මදැයි කොලා. අර ලස්සනට හදාගෙන තිබුන ලියන පොත් වල මුල් පිටු ටික ඉරලා පහුවෙනිදම ගියා ඉස්කෝලෙට. දෙයියන්ගේ පිහිටෙන් මාව ඇතුලත් කරගත්ත ඉස්කෝලේ විදුහල්පතිට පින් සිද්ද වෙන්න. එත් මාස තුනක් උගන්නපු දේ එක මාසෙන් ඉගෙන ගන්න උනා. අප්‍රේල් මුල විබාගේ නේ? අනේ ඉතින් ගමේ ඉස්කෝලේ හැමදාම 1 වෙච්ච මම ඒ විබාගේ ලියල 23 උනා. හොද වෙලාවට ළමයි 42 ක් හිටිය. 

ඒ කතාව ඇති. තව තියෙනවා. මට ජොබ් ඒවා ගොඩකට ලියුම් ආවේ ලියුම පොස්ට් වෙලා සති දෙකකට විතර පස්සේ. හැමදාම පහුවෙනිදා ඉන්ටවිව් එකට අද තමයි ලියුම ලැබෙන්නේ. ඉතින් දුවපන් සෙටිපිකට් ටික කරේ තියන් ෆොටෝ කොපි ගහල සත්‍ය පිටපතක් බව තහවුරු කරන්න. දවසක් දවල් එනවා ලියුම පහුවෙනිදට පොලිස් රිපෝර්ට් එකත් අරන් එන්න වැඩ බාරගන්න කියල. මට මතකයි එදා ගෙදර ආවේ මුළු දවල් වරුවම රස්තියාදු වෙලා පොලිසියේ වාඩි වෙලා ඉඳල හරියට අපරාධ කාරයෙක් වගේ. ලංකාවේ පොලිසියත් බොහොම කාර්යක්ෂමයි නොවැ . ඒ ගැන මට වෙච්ච දේවල් වෙනම ලියන්න වෙනවා ලියන්න ගියොත්. 
....................................................

පිවිසුම

Thursday, October 29, 2015

තොරතුරු විචාර හා සාහිත්‍ය රසවින්දනාත්මක විවිධාංග බ්ලොග් එකක " SLWAYS.COM "

රතු හිවලා

සීතල නදීට අලුත් දෙයක් නොවේ. ඇඟට දැනෙන නොදැනෙන තරමේ සිතලකටත්, තම දෙමවුපියන් තුරුලේ ගුලිවෙන සිඟිති දරුවන් අතරේ නදීව උණුසුම් කලේ මහා විශාල කාමරයක් තුල වාසය කල ප්‍රාණයක් නොමැති පුළුන් පුරවන ලද සතුන්ය. ඉතින්, මහා පාන්දරක දැනෙන මෙවන් සීතලක් වුවත් ඉවසන්නට නදීට හැකිය. ඒ හැකියාව ඇයම ප්‍රගුණ කරගත්තක් විය.
මිදුම තුලින් විනිවිද ආ වීදි ලාම්පුවේ මූසල එළියත්, බස් රථයක් එනතුරු කල්මරන කඩිසර මිනිසුන්ගේ නිදිබරිත මුහුණුත් නදී තුල ජනිත කලේ කාලකන්නි කළකිරීමක සිතිවිලිය.
එහෙත් එය අරුමයක් නොවන්නේ,සාමාන්‍යයෙන් ස්වභාවධර්මයාගේ හැසිරීම් රටා තුලින් මතුවන අසිරිමත් බවක්ට නදීගේ සිතිවිලි තුල ඉඩහසරක් නොමැති වීම හේතුවෙනි.එම සිතිවිලි සෑම විටකම ඇයට කරදරයක්ම පමණක් විය.මේ අමුතු ජිවන රටාව නදී විසින්ම ඇතිකරගත්තක් නොවේ.ඇය වටා ගොඩනැගුනු විනාශකාරී පවුල් පසුබිම ඇගේ මේ චර්යාවන්ට උඩගෙඩි දුන්නේය. එසේ නදීගේ සිතේ ඇති වූ විරූපී සිතුවිලි මදක් හෝ සිමා කලානම්,පෙර කී පුළුන් පිරවූ සතුන්ගේ ආදරය විය හැකිය.ඇයට තනිව ජිවත් වෙන්නට වුවමනා නොවිය. එහෙත් අවට සමාජය සමඟ ගැටෙන්නද ආශා නොකලාය.ඇය තනිකම මගහැර ගත්තේ අධි සුපෝඛබෝගී කාමරය තුල සිටි ප්‍රාණයක් නොමැති සුරතලුන්ගෙනි.ඇගේ ලෝකය එකී සුරතලුන් පමණක්ම විය!

භාහිර සමාජය හා නොගැටෙන්නට නදී උත්සාහ කලද එය තාත්වික නොවීය.ඇගේ මේ අත්භූත චර්යයා ඇතුලත් ජිවන වෘතාන්තය සටහන් කරන්නට භාහිර සමාජයේ උපකාර ඇයට අත්‍යවශ්‍යය. ඇය එය සැහෙන තරමකට වටහා ගෙන ඇත.එය යතාර්ථයක් කරමින් නදී මේ යන්නේ භාහිර ජිවිත හා ගැටෙන්නටය.ඒ මහා කාලයකට පසුවය. භාහිර යැයි කීවට හුදෙක් එය භාහිර සමාජයම නොවීය.නදී මේ ගැටෙන්නට යන්නේ තමා මේ අභූත ලෝකයට ඇද දැමු දෙමාපියන් මුණ ගැසීමටයි. නදීගේ ජිවිතයේ ඇති අප්‍රසන්නම හා අත්‍යාවශයම ගැටීම වන්නේද මෙයයි. මක් නිසාද යන්න වටහා ගැනීමට නදී තම දෙමාපියන් හා ගැටෙන තෙක් බලා හිඳිම සුදුසුය.

.................................................... 

පිවිසුම
http://www.slways.com/

Monday, October 26, 2015

සර්ථක බ්ලොග් රචකයෙකු විසින් බ්ලොග් නොලියන අයගේ නිර්මාණ එළිදැක්වීමට ගත් අනර්ඝ උත්සහයක් " ඔබත් මමත් "

ආදරයේ තවත් එක කතාවක්....

ඉස්සර වාගේ තුරුලේ ඉන්නට
අවසර නැතිමුත් ලොවට හොරෙන්
ඉස්සර වාගේ මා හමුවන්නට
නාවත් හිනැහී ආදරයෙන්
තාමත් මතකයිහිනැහුනු ඔය ඇස්
සෙනෙහස පුරවන් පොකුරු පිටින්
ඉඩ දෙනවාදෝ ඔබේම වෙන්නට
ඔය උනුහුම ලඟ එක මොහොතක්...
එය මට මුලු අහසක්...
ඉස්සර දවසක උනුසුම විද විද
ආදර ලොවකට පාර කියූ
සුන්දර සිහිනය ආයෙත් විඳිනට
එන්න යලිත් මා ලඟට කියූ
පෙම්බර ඔබ හැර වෙන අන් සිතකට
කිසිවිටෙකත් සිත වසඟ නොවූ
පින්බර දවසක ඔබෙ අත අරගමි
පෙම්බර විලසට සිහින මැවූ...
හීන දිගන්තය අද්දර ඉඳගෙන
ඔය නිල් නෙතු යුග දිහා බලන්
ඔය තුරුලේ සැතපී නැලවෙන්නට ආසයි
ඔය පපුතුර මගෙ මුහුන හොවන්
එන්නම් දිනයක ලස්සන උදයක
අලුත් ඉරක් යට ආදරයෙන්
අවසර දෙනුමැන ඔබේම වන්නට
මතු උපදින සැම බවයකමත්...
.............................................

පිවිසුම
http://obathmamath.blogspot.com/ 

දුම් රිය හා දුම් රිය ඉතිහාසය සම්බන්ධ අළුත්ම බ්ලොග් එකක් " කෝච්චි විස්තර / Trains.Info "

ලොව විවිධ රටවල අතීතයේ භාවිතා වූ වාශ්ප දුම් රිය එන්ජින්



.............................................................
පිවිසුම
http://trainsinfo999.blogspot.com/

Sunday, October 25, 2015

අළුත් සාහිත්‍යමය රසවින්දන විශේෂාංග බ්ලොග් එකක් " අමාගේ හීන සාප්පුව "

කොටහළු ගෙදර

මේ බිනර මාසේ..බිනර මල් කොච්චරවත් පිපිලා වැලි මිඳුලේ වැතිරිලා ඉන්නේ මේ කාලෙට තමා...කොහොමත් බිනර වැස්සට ගහක මලක් කොළයක් බිමට නොවැටි තියෙන්නේ කලාතුරකින්...ඒ තරම් බිනර වැස්ස හරිම තදයි...මම ඉන්නේ අපේ ගෙදරටම තියෙන කාමර දෙකෙන් සේපාලිකා ගහ ගාව තියෙන පුංචි කාමරේ එක මුල්ලක...කලින් දවසේ යටි බඩ රිදෙන්න ගත්තම අම්මා සූදුරුයි සුදුළුණුයි බැදපු වතුර දුන්නා මට යාන්තම් මතකයි...උදේ නැකිටින කොට අම්මා මම කොටහළු වෙලා නිසා මේ කාමරේ මුල්ලක ඉන්න ඕනි කියලා කම්මුළ් දෙපැත්ත තද කරලා ඉම්ඹා..සේපාලිකා මල් මේ වෙලාව වෙනකොට බිම වැටිලා සුදු රෙද්දක් වගේ..ජනේලේ වහලා තිබ්බට සුවඳ මල් ගහ යට ඉන්නවා වගේ දැනෙනවා...ආච්චි අම්මා දැන් වරු ගානක් තිස්සේ මං ලඟ...ආච්චි අම්මා එක්කම මුට්ටියක බැහැලා මම දිහා බලාගෙන ඉන්න පොල් මලත් මට තනි රකිනවා....
කාමරේම ගිලිලා තිබ්බේ අළු පාට කළුවරක...භූමිතෙල් ගඳ මුහු වෙච්ච චිමිණි ලාම්පු එළියෙන් මට ආච්චි අම්මාගේ මූණ පේනවා....ආච්චී අම්මා නින්දත් නොනින්දත් අතර යාන්තම් ඇස් පියාගෙන වුන්නා...කාමරේ දොර වහලා නිසාත් ජනේලෙ වහලා නිසාත් පිට සිද්ද වෙන දේවල් ඇහෙනවා මිසක් පේන්නේ නැහැ...මට ඒක හරියට රේඩියෝ අහනවා වගේ හැඟිමක්...
 "දුවගේ කොටහළු නැකත අප්පච්චිට හොද නැහැලු"
එහෙම කිව්වේ අම්මා කියලා කටහඬින් අදුන ගන්න පුළුවන්...
අප්පච්චි කලේ උගුර පාදපු එක විතරයි...අම්මා දොර ඇරගෙන ආවේ ඒ වෙලාවේ...
 "දුවේ බත් කටක් කමු නේද?" කියාගෙන අම්මා සුදට හදපු මොනවාද මන්දා කැව්වා...අප්පච්චි ගෙනාපු මුද්දරස්පලම් හම්ම වුනේ බත් ඔක්කෝම කැවට පස්සෙ...පොල් මල මැද්දෙන් පත්තු වෙලා තියෙන පොල් තෙල් පහන නිසා පොල් මලේ කළු පාට දුම් බැඳිලා...අම්මා ආයිත් එළියට ගියාම ආච්චි එක්ක කාමරේ තනි වුනා....

............................................... 

පිවිසුම
http://amagesihinasappuwa.blogspot.com/ 

Friday, October 23, 2015

තොරතුරු විචාර කාලීන සිදුවීම් ඇතුළු විශේෂාංග බ්ලොග් එකක් " රොටියා "

රාවණායනය 2

පළමු කොටස මෙතනින්


උදෑසන සරසවිය භුමිය වටා පැතිර තිබූ මිදුමත් සමග ආ කුමක්දෝ සුවදක් විශ්වට සිය අතීතය සිහි කළේය. තම සීයාත් සමග මාචු පිචු නම් ඉන්කා බලකොටුව සොයා අන්දීස් කඳුවැටියට ගිය ඒ දුෂ්කර ගමනේ දී හැම හිමිදිරියකම තමා වින්දේ මේ සුවඳමය.
ඒ තමා සියා සමග ගිය මුල්ම ගමන නොවේ. ඊට කලින් බොහෝ වතාවක් රට හෝ නොරටෙහි යෙදුනු සීයාගේ ගමන් වල ගමන් සහයකයා වුයේ විශ්වය. සැබවින්ම තමා සීයාට සහයකට වඩා ගෙන දුන්නේ කරදරයන්ම බව විශ්වට සිහිවන්නේ සිනාවක්ද සමගය. ගීසා වට ගිය ගමනේදී කණ්ඩායම මග නොහැර ගන්නා ලෙස මග පෙන්වන්නා උදක්ම ඉල්ලා සිටියද කාගේත් ඇස් වසා කණ්ඩායමෙන් පැන ගන්නට විශ්ව සමත් විය. විශ්ව මගහැරුණු බව වැටහෙන විට පිරිස සිටියේ ගීසා හි ප්‍රධාන ශාලාවේය. විශ්ව පසුව දැනගන්නට යෙදුනු පරිදි එදින කණ්ඩායමෙන් අඩුවෙන්ම කලබල වී ඇත්තේ තම සීයාය. කණ්ඩායම රැජිනියන්ගේ පිරමිඩ අසලට එන විට එතැන හුන් විශ්ව දැක පුදුම වී තමුන්ට පෙර එතැනට කෙසේ පැමිණියාදැයි විමසූ කල තමා සෙසු පිරිසට ඉදිරියෙන් දිව ගිය බවට කී කතාව, බොරුවක් යැයි වැටහුනේද සියාටම පමණි. එදින රාත්‍රියේ සෙස්සෝ නින්දට ගිය කල විශ්ව සමග එලියට පැමිණි සීයාට තමා සොයා ගත් රහස් උමං මාර්ගය පෙන්වීමට විශ්වට සිදුවුනේ ය. සියා තුල හිඳි කොලුවා විශ්ව සමග එක්වී, එක විදුලි පහනක් පමණක් අතැතිව ඒ උමං මග ඔස්සේ රැජිනියන්ගේ සොහොන් කරා ගිය ඒ ගමන ප්‍රීතිමත්ය.
" ඈ බන් , දැන් අපිට නෙෆර්ටිටි එහෙම හම්බුනොත් මොකක්ද කියන්නේ.... ඒ ඇත්තිට හදිස්සියෙවත් උඹේ සීයා ගැන හිතක් හිතුනොත් මං මෙහෙ ඉන්නං. උඹ ගිහින් කියහන් ආච්චිට සියා හදිසියේ මලා කියල"
සීයා දඟකාරය. විශ්ව ට හැඟුණු පරිදි මව් කුසයෙන් එලිය දුටු දින සිටම මහා බක පණ්ඩිතයෙක් ලෙස හැසිරෙන සිය බාල සොයුරා 'පෘතුවි' ට වඩා සීයා දඟකාරය.

.............................................................

පිවිසුම
http://rotiyababa.blogspot.com/ 

Monday, October 19, 2015

තොරතුරු කාලීන සිදුවීම් විචාර ඇතුලත් විවිධාංග බ්ලොග් එකක් " සංවේදී "

රාජ්‍ය සම්මාන මායාව සහ ග්‍රන්ථ ප්‍රකාශක මාෆියාව

මගේ පියාගේ කෘතියක් රාජ්‍ය සම්මානයක් උදෙසා නිර්දේශ වී ඇති බව අහම්බයෙන් දැනගන්නට ලැබුණි. (Link) මුළදී මා එය විශ්වාස නොකළත් (ඔහුගේ කුසලතාවය පිළිබඳ අවිශ්වාසයක් නිසා නොව, රටේ ක්‍රමය පිළිබඳව ඇති සුපහන් සංවේගය හේතුවෙන්) එය සත්‍යයක් බව දැනගන්නට ලැබුණි. 
මේ ඒ පිළිබඳව උදම් ඇනීමක් නොව, කලාකරුවෙකුගේ ජයග්‍රහණයක කැටිව ඇති, මතුපිටින් ලොවට නොපෙනෙන කටුක යථාර්ථය පිළිබඳ හෙළිදරව්වක් යයි කිවහොත් වඩාත් නිවැරදිය.
'පළමු දඩයම' මෑතකදී ග්‍රන්ථයක් ලෙස දොරට වඩින්නට පෙර එය පළමු වරට උපත ලැබුවේ වේදිකා නාට්‍යයක් ලෙසටය. ඒ අතීතය මින් වසර 8ක්, එනම් 2007 දක්වා ඈතට දිව යයි. නමුත් එහි වස්තු බීජය ම'පියාගේ සිත තුළ පිළිසිඳ ගන්නට ඇත්තේ ආසන්න වශයෙන් මීට දශකයකට පමණ පෙරාතුව ය.
එයට මුල්වූ සංවේදී අත්දැකීම නොහොත් වස්තු බීජය බොහෝ දෙනා නොදනී. සිද්ධිය සැකෙවින් මෙසේය:
දැන් විශ්‍රාම සුවයෙන් පසුවන ම'පියා එකල මාතර නගරයේ ප්‍රමුඛතම බාලිකා විද්‍යාලයක නාට්‍ය හා රංග කලාව පිළිබඳ ඇදුරුතුමන් විය. 
වෙනත් සංස්කෘතියක් නියෝජනය කළද, නාට්‍යකරණයට සහජ දක්ෂතා පෙන්නුම් කළ දක්ෂ ශිෂ්‍යාවක් විය. ජීවිතයේ සාමාන්‍යපෙළ කඩඉම වුව පසු කළේ නොමැති වුවද ඇගේ දෙමාපියන්ගේ අභිලාෂය වූයේ ඇය කුඩා කලම ගිවිසගත් පරිදි වය්‍යාපාරික තරුණයෙකුට විවාහ කර දීමය. මේ පිළිබඳව සිසුවිය  තුළ අබමල් රේණුවකුදු කැමැත්තක් නොවුවද, දෙමාපියන් ඒ සඳහා ඇයට බලකර සිටින්නට වූහ. මේ පිළිබඳ සිත් තැවුලෙන් නොකා නොබී දින ගත කළ ඇය පිළිබඳ ම'පියාට දැනගන්නට ලැබුණි.  ඔහු ඇගේ නිවසට ගියේ ය. එහිදී ගුරුවරයෙකු වශයෙන් ඔහු හද කම්පා කරවන අත්දැකීමකට මුහුණ පාන්නට සිදුවිය.
..................................................

පිවිසුම
http://sanwedi.blogspot.com/ 

Sunday, October 18, 2015

නව ලොව දැනුම තාක්ෂණය තොරතුරු හා විශේෂාංග පිරි බ්ලොග් පිටුවක් " සිරා "

දකුණු කැරොලිනාවේ අද්භූත සුන්දරත්වය

 

ඇමරිකාවේ, දකුණු කැරෝලිනා ප්‍රාන්තය විවිධ භූ විෂමතා සහිත කලාප පහක එකතුවකි. එහි සීමාවන් අත්ලාන්ටික් සාගරයට සමාන්තරව පිහිටා තිබේ. මේ ප්‍රදේශය වහල් වෙළඳාම නිසා යම් ප්‍රසිද්ධියක් උසුලනවා. ඒ වගේම මේ ප්‍රදේශයේ සහල් සහ තවත් ධාන්‍ය වර්ගත් වගා කෙරෙනවා. දකුණු කැරොලිනාව එහි පවතින චාම් සුන්දරත්වයත්, ඓතිහාසික වැදගත්කමත් , රළු තැනිතලා භුමි නිසාත් බොහෝ දෙනාගේ අවධානය දිනාගන්නවා. ඒ වගේම ලුණු ලේවායන් , ජල මාර්ග , වැලපෙන විලෝ ශාක සහිත පරිසර පද්ධති වලින් හැඩගැන්වෙන නිසාම ඇමෙරිකාවේ සුන්දරම ප්‍රාන්ත වලින් එකක් ලෙසට සැලකෙනවා. මේ සුන්දරත්ව විදහා දැක්වෙන අපූරු ඡායාරූප පෙළක් අපි ඔබ වෙත ගෙන එන්න තීරණය කළා.
Angel Oak

..............................

පිවිසුම

http://sira.lk/

Friday, October 16, 2015

කාලීන සිදුවීම දේශපාලනය රට ජාතිය පැත්තෙන් දකින වැදගත් වෙබ් අඩවියක් " සිංහල බෞද්ධයා "

බුදුරදුන්ගේ මගපෙන්වීමෙන් අවුරුදු එකසිය විස්සක් දිගාසිරි ලැබූ ආයුවඩ්ඩන කුමාරයා.


දවස් හතකින් මියයාමට නියමිතව සිට බුදුරජාණන් වහන්සේගේ මගපෙන්වීම නිසා පිරිතේ බලයෙන් අවුරුදු එකසිය විස්සක් දිගාසිරි ලැබූ ආයුවඩ්ඪන කුමාරයා.

පින්වත් දරුවනේ, සිල්වතුන් ගුණවතුන් උදෙසා පුදසත්කාර කිරීම තුළ අපගේ ජීවිතවලට අග්‍ර වූ පින් රැස් වෙනවා.ඒ තුළින් ආරක්ෂාව රැකවරණය සැලසෙනවා.සමහර විට පින් රැස් කරනා කෙනා ඒ පින නිසාම ලොකු අනතුරු වලින් මිදෙනවා.

පින්වත් දරුවනේ, අපගේ බුදුරජාණන් වහන්සේ මහා කාරුණිකයි.ඒ බුදු කරුණාව නිසා ලෝකයේ බොහෝ දෙනාට යහපත ඇති වුණා.මෙවර ඔබ අතට පත්වන්නේ බුදු කරුණාව නිසා සැපයට පත් වූ එවැනි පුංචි දරුවෙක් ගැනයි.

දවස් හතකින් මියයාමට නියමිතව සිටි පුංචි කුමාරයෙක්, බුදුරජාණන් වහන්සේගේ මගපෙන්වීම නිසා අවුරුදු එකසිය විස්සක් දිගාසිරි ලැබුවා.ඒ නිසාමයි ඔහු "ආයුවඩ්ඪන කුමාරයා" නමින් ප්‍රසිද්ධ වුණේ.

සත්වයන්ට තම ආයුෂ වැඩෙන්නත් කාරණා තියෙනවා.ඒ විතරක් නෙවෙයි සිල්වතුන් හට වන්දනා මානන කරද්දී කරදර කම්කටොලු පවා නැති වෙනවා.ආයුෂ, වරණ, සැප, බල කියන කාරණාත් දියුණු වෙනවා.

ඒ නිසා ඔබත් උතුම් තිසරණයම රැකවරණය කරගන්න.ඒ වගේම නිතරම පින් රැස් කරගෙන ජීවිතය පිනෙන් පුරවා ගන්න.

ඔයාලට තෙරුවන් සරණයි !

................................................

පිවිසුම
http://www.sinhalabuddhist.com/ 

Thursday, October 15, 2015

සාහිත්‍යමය රසවින්දන විශේෂාංග බ්ලොග් එකක් " පියාඹන්නෝ (flyers ) "

මා පමණකි

රාත්‍රිය එළඹ ඇත
යුද පිටිය නිශ්චලය
අහස පුරා ධවල
තරු පැතිර ඇත

මගේ තරුව ඇය,
දිගාවී පොළොව මත
ළය මත තබාගත් අතින් යුතුව
සන්සුන් ව

ඇගේ නිශ්චල ඇස්වල
තරු පිළිඹිඹු වේ ය
මගේ තරුව ඇය ය

හුස්ම ගන්නේ මා පමණි
එහෙත්
ඇගේ හුස්මක් අසනු රිසි
හුස්ම අල්ලා අසා සිටිමි

..................................

පිවිසුම
https://sandinisp11.wordpress.com/ 
 

 

Wednesday, October 14, 2015

අළුත් තොරතුරු අත්දැකීම් විශේෂාංග ඇතුලත් බ්ලොග් එකක් " ගුරුවරියකගේ මතක "

06.අපි හරි දුප්පත් ටීච

       
               සතියක්ම නිවාඩු උන්න නිසා වැඩ හුඟක් ගොඩ ගැහිලා...පුංචි පුංචි හැල හැප්පීම් ජිවිතේ නැතුවාම නෙවෙයිනෙ. එත් පොඩි උන් එක්ක ජිවිතේ හරි සැහැල්ලුයි.එක අකුරක් වත් අතපසු වෙයි කියන බයත් එක්ක හැල්මේ දුවන ගමන් මං එක දරුවෙක්ගෙ සටහන් පොත ගත්තේ දීපු වැඩක් කරලද බලන්න. ‍පොත මගෙ අතට දුන්නත් මගෙ මුණ දිහා බලන්නෙ නැතුව ඉන්න ‍පොඩි එකී හරි පරෙස්සම් වුනා.
"කෝ පුතේ වැඩේ කරලා නෑනේ"  මට දැනුණ දේ ඇත්තටම වෙලා තිබුණා. කරගෙන එන්න දීපු අභ්‍යාස වෙනුවට තිබුණෙ හිස් පිටු ටිකක් විතරයි. මට ඇත්තමට කේන්තියි.ඊටත් වඩා දුකයි. වෙන දෙයකට නෙවෙයි. මේ ‍පොත අයිති වුනේ පන්තියෙ දක්ෂතම දරුවට.  මං කෝටුව ගත්තෙ දඩුවමක් දෙන්න ඕනි නිසාමයි.
"අල්ලනවා අත"
මං කෝටුව ගන්නකොටත් පොඩි එකී වැරැද්ද බාරගෙන අත දික් කරලත් ඉවරයි.
එත්  "දරුවෝ සත්තු නෙවී"  කාලෙකට කලින් දීපු දඬුවමක් ගැන කියද්දී මගෙ හිතවතෙක් මට දොස් පවරපු හැටි පපුවේ කොණක ඉඳන් මහ හයියෙන් කෑ ගැහැහුවා.
මම කෝටුව පහතට දැම්මා. දරුවා මගේ ළඟට ගත්තා. ඉණ වටේ අත දාලා මගෙ පපුවට තුරුල් කර ගනිද්දිත් පුංචි එකී ගැහෙනවා.  

.................................

පිවිසුම
http://guruwariyakageimathakaya.blogspot.com/                                                      

Monday, October 12, 2015

සාහිත්‍යමය රසවින්දන විවිධාංග බ්ලොග් එකක් " Ian's Den ඉයන්ගේ අඩවිය "

සංසාර ආදරේ හඳුණාගන්නේ කොහොමද?

භවයක් භවයක් පාසා හමුවෙනවා කියලා ආදරවන්තයො කියනව අහලත් ඇති. මල් කැඩීම ගැන හොඳ අවබෝධයක් තියෙන අය ඇත්තටම හෝ ප්‍රෝඩාවට වගේ දෙතුන් දෙනෙකුට මෙහෙම කියලත් ඇති. සමහර අය බලාගෙන ඉන්නවානෙ පතාගෙන ආව කෙනා එනකන්. ලඟකදි කොහෙදි හරි කියෙව්වා 'පතාගෙන ආව නම් ඔතාගෙන යනව' වගේ කතාවකුත්. මේ සංසාරගත ආදරයන් ගැන විවිධ කථා මමත් අහලා තියෙනවා. 
ඔය විදිහට සංසාරගත ආදරය කරන කෙනා හමු වුවහොත් අඳුනගන්නේ කොහොමද කියලා හිතලා තියෙනවද? කවුරුවත් භවයෙන් භවය එක වගේ පෙනුමට ඉන්නවනං සහ පහුගිය භවයේ කෙනාගේ හැඩරුව මතකනම් ඉතින් අඳුණගන්න එක ප්‍රශ්ණයක් නැහැ. අපිට තියෙන හඳුනා ගැණීමේ ආයතන තියෙන්නෙ ඇස්, කන්, නාසය, රස, ස්පර්ශය සහ විඥ්ඥාණය කියන ඒවනේ. පෙනුම වෙනස් වෙන නිසා ඇස් වලින් බැහැ, අර බල්ලන් හොයනව වගේ සුවඳින් හොයන්නත් ටිකක් අමාරුයි මොකද විවිධාකාර සුවඳ විලවුන් නාන නිසා, ස්පර්ශ කරල හොයන්න වෙන්නැති සමහර අය බස් වලදි කාන්තාවන්ගේ ඇඟේ ගෑවෙන්නේ, විඥ්ඥාණය කියන එක ගෑණු පරාණයක් දැක්කම වාශ්ප වෙලා යනවනේ. 

ඔය අඳුන ගන්න විදිහ ගැන මම විහිළුවට වගේ උපකල්පනයක් කරොත් අඳුණ ගන්නේ කට හඬින් කියලා. කීදෙනෙකුට විතර හිනා යයිද දන්නේ නැහැ. මේ උපකල්පනයට පසුබිම් කථාවක් තියෙනවා. ඔය බරණැස් නුවර බ්‍රහ්මදත්ත කියල රජකෙනෙක් රජකම් කරන සංදියේ මගෙත් ආදර කථාවක් තිබුණනේ. ඒ ආදර අන්දරය 'අති සාර්ථක' වෙලා එයා වෙන කෙනෙක් එක්ක විවාහ වුනානේ. ඒ දෙන්න විවාහවෙලා මාස කිහිපයකින් විදේශ ගත වුනා. ඊලඟ අවුරුදු හතක විතර කාළෙදි එයා ගැන කිසිම විස්තරයක් දැනගන්න අද තියෙන ක්‍රම සහ විදි තිබුණේ නැහැ. ආදරේ කරල තියෙන අය දන්නවනේ ඉතින් ඔය කාළයක් නොදැක නොඇසී හිටියට ඔව්ව ලේසියෙන් අමතක වෙන්නෙ නැහැනේ.

.......................................................

පිවිසුම
http://lankanian.blogspot.com/ 

Saturday, October 10, 2015

තවත් තොරතුරු දේශපාලන කලා හා රසවින්දනය ඇතුළු විවිධාංග බ්ලොග් එකක් " ජෙෆ් එස් ඩී "

ලංකාවේ විශ්ව විධ්‍යලයකින් උපාධියක් ලබාගත්, අවස්ථා  හතරකදී ලංකාවේ අගමැති ධුරයට පත්වූ රනිල්, වෙස්මිනිස්ටර් ක්‍රමයේ අන්තිම නියෝජනය, විදේශ රාජ්‍ය තාන්ත්‍රික කටයුතුවල ලොව දිනු නායකයෙක් බව කියමින් කොතෙක් කයිවාරු ගැසුවත් ලංකාවේ පාර්ලිමේන්තුව තුල ඔබේ  දේශණ හා හැසිරීම් වල  කිසිදු වටිනාකමක් මට නොපෙනේ. ලක්ෂ පහකට අධික මනාප ප්‍රමාණයක් ලබා දෙමින් ලංකාවේ වාර්තාවක් පිහිටුවමින් ඔබ අගමැති ධුරයට පත්වන විට ලංකාවේ දුගී දුප්පත් ජනතාව ඔබ වෙත පැවරු  කාර්ය භාරයක් ඇති බව ඔබට අමතක සැටියක් පෙනේ. ලංකාවේ පාර්ලිමේන්තුව තුල නිර්ලජ්ජිත ආකාරයට ඔබේ හැසිරීම මම මීට පෙර නොදුටු එකකි.

එක දිගට අපහාස විදිමින් සිටි ඔබ රාජ්‍ය බලය ලබා ගත්පසු, ලාභ ප්‍රයෝජන තකා ආවඩන  වන්දිභට්ටයන්ගේ රැවටිලි වදන් වලින් මුසපත් වී ඇති සැටියක් මට පෙනේ. යුද්ධය  අවසන් කිරීමෙන් පසු මහින්ද රාජපක්ෂ ඔසවාගෙන ගියේද ඔය නඩයමය. අන්තිමේ රටට වැඩක් නොවුන තැන "කුණු මාළු කෑල්ලක්" සේ ඉවත ලා සැටි ඔබ නිරතුරුව සිහිකර ගත යුතුය. බලයට එන්නට පෙර ඔබ කළ කී දේ ප්‍රයෝගිකව ඉටු නොකළහොත්, ඊළඟට එලියට තල්ලු වන්නේ ඔබ බව  නිරතුරුව සිහිතබා ගැනීම ශරීර සෞඛ්‍යයට හොදය. දැන් ඔබ වටේ පිරී ඇති වන්දි භට්ටයින් එදාට දිනන පිල නියෝජනය කරන බව අවබෝධ කරගත යුතුය. 

ලංකාව සංවර්ධන මාවතට ගෙන එන්නට ඔබට හැකි බව ලංකාවේ බොහෝ පිරිසක් මෙවර විශ්වාස කල බව මෙවර මැතිවරණයෙන් පැහැදිලිව ඔප්පු විනි. ඔබ බලයට පත්වූ දා පටන් ඒ අරමුණු වෙත ළඟාවීමට ගත් ක්‍රියාමාර්ග, ඒ සදහා ඇති ගමන් මාර්ගය නිවැරදිව රට හමුවේ පැහැදිලිව ඉදිරිපත් කල යුතුය. 

"සීපා" ගිවිසුම කඩිමුඩියේ  අත්සන් කරනේ නම් ඒ කවරක් සදහාද? ඒ මගින් ලංකාවට ඇතිවන ප්‍රයෝජන කවරේද? එවන් සම්මුතීන් ප්‍රායෝගිකත්වයට ගෙන ඒමට ඇති හැකියාවන් මොනවාද? එමගින්  ඇතිවන ගැටළු නිරාකරණය කරගන්නේ කවර ආකාරයටද?, ජිනීවා යෝජනා වලදී ලංකාව ලබාගත්  සත්‍ය ජයග්‍රහණ මොනවාද? එමගින් යුධ අධිකරණ චෝදනා වලට විදේශීය රටකට ඇති කල හැකි බලපෑම් මොනවාද? යන්න  ආදිය ඉතා පැහැදිලිව දැනගැනීමට ලංකික ජනතාවට අයිතියක් ඇත. විශේෂයෙන් බලයට ඒමට පෙර ඔබ ඒ අයිතිය ගැන බොහෝ අවස්ථා වලදී කතාකල බව අපට මතකය. 

රුපියල "පා කිරීමෙන්" ඔබ බලාපොරොත්තු වන ආර්ථික ජයග්‍රහණ ගැන පැහැදිලි කල යුතුය. වී ගොවියාගේ, රබර් ගොවියාගේ තේ ගොවියාගේ මුලික ගැටළු වලට ඇති විසදුම් මොනවාද යන්න රටට හෙළි කල යුතුය. මත්තල වී ගබඩා කිරීම වැනි නොහොබිනා වැඩ කාගේ අනුදැනුම මත සිදුකරන්නේද යන්න රටට ඉදිරිපත් කලයුතුය. ඒ වගකීම් පැහර හරිමින්  ඒ වෙනුවට විසුළු කතා කියමින්, පාර්ලිමේන්තුවේ නොමනා  ආකාරයට හැසිරෙමින්,  කල් ගත කිරීමෙන් රටට අගතියක් ඇති නොවන්නේද යන්න අපට කිවයුතුය.

ඡන්දය පෙර හුවා  පෙන්වූ මහා පරිමාණ දූෂණ-වංචා සම්බන්ධ වර්තමාන තත්වය හා දූශිතයන්ට එරෙහිව ගන්නා ක්‍රියා මාර්ග ජනතාවට ඉදිරිපත් කලයුතුය.  මහා පරිමාන ඇමති මණ්ඩලයක් විවේචනය කරමින් බලයට පත් වූ ඔබ ඒ හා සමාන ඇමති මණ්ඩලයක් පවත්වාගෙන යන්නේ කුමක් සදහාද යන්න පැහැදිලිකල යුතුය. සීග්‍රයෙන් ඉහල නගින අපරාධ රැල්ල මැඩපැවැත්වීම , අන්තවාදී, ආගම්වාදී කල්ලි කණ්ඩායම් වල හැසිරීම පාලනය කිරීම ආදියට  මුල්තැන දියයුතුය. ජපාන පාර්ලිමේන්තුව ඇමතීම පිලිබඳ රට තුල ඇතිවී ඇති සංවාදයට නිවැරදි පැහැදිලි පිළිතුරු දිය යුතුය. තමාට හිමි නොවූ තනතුරු තානාන්තර, ප්‍රශංසා, ඇගයීම් ආදිය ව්‍යාජ ආකාරයට ලබාගත් රාජ්‍ය නායකයින් එමගින්ම විනාශ මුඛයට ඇදීගිය අයුරු විග්‍රහ කර ගැනීමට  ජීවමාන සාක්ෂි අප සතුව ඇත. 

නින්දා අපහාස වලදී නිහඩව විදදරා ගැනීමේ හැකියාවක් පෙන්වූ ඔබ ජයග්‍රහණයේදී නිහතමානිව හැසිරීම වෙනුවට උන්මත්තක ආකාරයෙන් හැසිරෙමින් රටේ පාර්ලිමේන්තුව අපහාසයට ලක්කරන්නේ කවර අරමුණුක්  උදෙසායි පැහැදිලිකර ගත යුතුය.

රනිල්,  

යුද්ධය අවසන් කල මහින්ද වසර හතරකින් එලවා  දැමුවා පමණක් නොව අගමැති සටනින් කුජීත කල ජනතාවක් පාලනය කිරීමේ බලය ඔබට ලැබී ඇතිබව සිහියේ තබාගත යුතුය. ඇතැම් පාර්ලිමේන්තු මන්ත්‍රීන් ඔබ ආමන්ත්‍රණය කල අකාරයේ අය බව සත්‍යයකි. එහෙත් උගත් බුද්ධිමත් රාජ්‍ය නායකයෙකු ඒ හැම සියලු බාධකයක්ම ජයගෙන ඉදිරියට ගමන් කරන අකාරය පෙන්වාදීමේ වගකීම ඔබට ඇත.

උගත් නූතනවාදී  ජනතාව ඉදිරියේ නුවනින් වැඩ කිරිම නුවනට හුරු බව සිහියේ තබා ගැනීම ඉතා අගනේය. 
 
 
 
.......................................................................
 
පිවිසුම
 
 
 
 
 

Friday, October 9, 2015

දැනුම අධ්‍යාපනික තොරතුරු හා විශේෂාංග වෙබ් අඩවියක් " Pahasara "

දිනෙක විකසිත පෙති

ළපටි වටකුරු නෙත් යුගින් මතුවුන
දිලෙන බියමුසු බෑල්ම,
ඉඳින් මගහරිමි මම, මටම රහසින් ලුහු බඳින තෙක්..
සන්සුන් උවන, සිල්ගත් පිළි, වසා සිටින
යොවුන් සිතුවිලි අවදි වන තෙක්…
මුවැත්තියක දෙතොල් මදින් මද නැගෙන දගකාර
සිනහව සොඳුරු වන තෙක්..
ඒ පියුම කුලුදුලේ තම ප්‍රථම පිනි බිඳු විඳ ගැනුම තෙක්…
බලා හිඳිනෙමි පිපෙනු ඉඩ හැර,
පිපෙන දිනකදි රකින්නට ඇති තෙක්…


asian-beauty-model-14151

..........................................

පිවිසුම
http://ucsc.lk/students/blog/ 

Saturday, October 3, 2015

නව ලොව තාක්ෂණය දැනුම සිංහලෙන් අප වෙත ගෙනෙන වැදගත් බ්ලොග් එකක් " Techplus.com "

FREE flash drives | SD cards | headphones-නොමිලේ flash drives | SD cards | headphones ගෙන්නමු..

මම අද අරගෙන අවේ අපිට සල්ලි වෙනුවට භාණ්ඩ ලබා දෙන site එකක් අරගෙන,මේ site එකේ වාසි කිහිපයක්ම තියෙනවා අනිත් අන්තර්ජාල මුදල් දෙන අඩවි වලට වඩා..

  1. add click කරන්න නැ.
  2. කරන්න තියෙන්නේ site එකෙන් අහන ප්‍රශ්න වලට yes හරි no හරි දාන්න විතරයි,yes දැම්මත් no දැම්මත් ඔයාගේ පිළිතුර හරි
  3. points තමයි උපයන්න තියෙන්නේ
  4. අපිට flash drive එකක් ගන්න හොයන්න තියෙන්නේ points 30 යි.
  5. දවසට point 2 ගානේ දවස් 15 කින් පෙන් එකක් පෙන් එකක් ගන්න පුළුවන්.
  6. හැබැයි දිනපතා account එකට log වෙලා වැඩ කරන්න.
පහලින් register වෙන්න ,zip code මෙතනින් ගන්න.(තප්පර 5ක් ඉදල දකුණු  පැත්තේ උඩින් එන skip ad button එක click කරන්න.)
.....................................
 
පිවිසුම

Friday, October 2, 2015

අළුත් තොරතුරු විචාර හා විවිධාංග බ්ලොග් පිටුවක් " මගේ බ්ලොග "

01. මාධ්‍යයවේදියාගේ අපූරු උපාය...

එක මනුස්සයෙක් හිටියා. එයා මාධ්‍යයවේදියෙක්. එයාගේ රස්සාවනේ ඉතින් පුවත් වාර්තාකරණය කියන්නේ. ඒ නිසා මේ මිනිහා මොන දේ කරත් කොහෙන් හරි ප්‍රවෘත්තියක් මවලා හරි තමන්ගේ සාක්කුව පුරවා ගන්න තමයි උත්සාහ කරේ...
මෙයා යන යන තැන පොඩි කැමරාවක් අරන් යන්නෙත් කවදා කොතැනක කෙලෙසක අලුත් දෙයක් වෙයිද කියලා නොදන්න නිසාමයි. ඒ වගේම හැම දෙයක් ගැනම පුදුම විපරමකින් තමයි හිටියේ...


එක දවසක් පාරේ යනකොට මෙයාට කතාවක් ඇහුණා. ඒ කොල්ලො දෙන්නෙක් ගේ පොඩි කතාවක්. මේ කෙනා තමන්ගේ වැඩෙත් කල් දා ගෙන ඒ කතාවට ඇහුම්කන් දෙන්න පටන් ගත්තා...

"එතනමයි ලු නේද?"
"ඔව් මචන්, එහෙම තමයි ආරංචිය."
"යමුද බලන්න?"
"යමන් යමන්."

මේ ටික ඇහුණා විතරයි මේ මිනිහා තවත් ඒ පැත්තට කණ් දෙන්න උණා. යන ගමනත් නතර කරලා කොල්ලො දෙන්නා පස්සේ වැටුණේ තවත් ඒ ගැන තොරතුරු ටිකක් හොයා ගන්න බලාපොරොත්තුවක් ඇතුවයි.
කැමරා එකත් ලෑස්ති කර ගෙන කොල්ලෝ දෙන්නා පස්සේ මෙයා දැන් යන්නේ
"අනතුරක්"
කියන එක ඉවකින් වගේ දැනිච්ච නිසා...


පිවිසුම
http://magebloga.blogspot.com/