බත් එකේ හූනෙක් ! සහගහන අපරාධයක්...මරාපියව් උයපු එකා..(මිනිස්සුත් එක්ක )
ඒත් අද පත්තරේක තිබ්බ ඔය පින්තූරෙට අදාල කතාව කියෙව්වාම මට හිතුණ මකුළුදැල්
කඩල යන්න මේක ලියන්න ඕනෙ කියල. ඇයි හත්වලාමෙ ගෙවල්වල කෑමවලට සත්තු වැටිල
තිබ්බ එක වාර්තා කලයුතු පුවතක්නම් එව්ව ලියන්න වෙනම පත්තරයක් ගහන්න පුළුවන්
නෙව ? මොකක් හරි වැඩකට නැති වලාමක් ලියල පත්තර පුරවන තරමට පුවත් හිඟද අපේ
රටේ ?
මේ වගෙ පුංචි දෙයක් අරං ලොකු විනාශයක් කරන්න පුළුවන් සමහරුන්ට. මට මතකයි
මං බොහොම පුංචි කාලෙ අපේ බාප්පගෙ මඟුල් ගෙදර වෙච්ච සිදුවීමක්. එදා රෑ කෑමට
අලි මේසයක් වටේ විස්සක් විතර වාඩිවෙලා හිටියා. මට එක පැත්තකින් හිටියෙ
අම්මා. අනිත් පැත්තෙන් අයියා. කෑම නං ඉතින් රජ කෑම වගේ තමා. ඒත් බත් කටක්
දෙකක් කාල ඉවරවෙනකොටම මං දැක්කෙ මගෙ බත් අතරෙ තිබ්බ පලඟැටි සරීරෙ ! හපොයි
.. ගෙදර එහෙම උනානම් පොඩි වැලි කැටේටත් මොරදීල ප්‍රකාශයට පත් කරන මං අහ්
ගානකොටම ඒක අම්ම දැක්ක. අම්ම පටස් ගාල මගෙ කට වැහුවා. ඊට පස්සෙ මාව එතනින්
එලියට ගෙනියන්න අම්මා කල දේ හරියටම මට මතක නැතත් කිසිම කලබැගෑණියක් නැතුව
මං අම්මත් එක්ක මේසෙන් අයින් උනා කියල මට මතකයි.. අන්න එහෙම අම්මා ලොකු
කලබැගෑණියක් පාලනය කලා.
ඔහොම දේවල් නොවෙන්නෙ කොහෙද ? ගෙදර ඇවිත් ඔය කතාව කිව්වම නම් අක්කලා බොරුවට ඕක් ඕක්... ගෑවා. එතකොට කාපුවා දිරවලානෙ.
වරාය ඔයවගෙ දේවලට චිරප්‍රසිද්ධයි.. සමහරක් සිදුවීම් ස්වාභාවිකයි. අනිත්වා
හිතා මතා වැඩ කඩාකප්පල් කිරීමට කල දේ. එක කාලයක් බත් පැකට් එකට හූනෙක්
කැරපොත්තෙක් දාල ඒක පෙන්නාගෙන එලියට බැහැලා වර්ජනය කලාය කියල පරණ වරාය
සේවකයො ඔක්කොම වගෙ දන්නවා. හුඟක් වෙලාවට මේ වගෙ සිදුවීම් පිටිපස්සෙන් ඉන්නෙ
වැඩ නොකරන තක්කඩි රැළක්.
..............................................
පිවිසුම
No comments:
Post a Comment